Baseado en feitos que puideron ter acontecido

A primeira proxeción que se fixo da curta tivo lugar en Chantada, dentro da XIII SEMANA DO CINEMA DE CHANTADA 2006. Desgrazadamente non fumos avisados a tempo pola persoa que recibiu a nova por parte do festival e os membros do equipo non puidemos asistir. Foi entre os días 15 e 18 de agosto e proxectou-se a copia original en cine (35mm).

A segunda proxeción "oficial" de "Baseado..." tivo lugar o pasado mes de setembro dentro de CurtoCircuito na Rúa. Trátase do anticipo do Festival CurtoCircuito, que cada outubro se celebra no Teatro Principal de Santiago de Compostela. As curtas tomaron as prazas da cidade durante todos os xoves do verán, dotando a cada xornada dunha temática diferente.

A nosa curtametraxe exibiuse o 14 de setembro na noite adicada ás curtas galegas. O lugar previsto era o Parque de Belvís, mais a chuvia fixo que se traslada-se ao Mercado de pedra da zona vella (abastos).

Se recalcamos a "oficialidade" destas proxecións é debido a que, de casualidade, descubrimos hai pouco o anuncio da emisión da curta no Cine Clube de Pontevedra en... Febreiro de 2006!

Ignoramos como souberon neste cineclube da existencia da curta e como conseguiron a copia (se realmente se proxectou), xa que ninguén no-lo comunicou. Se sabes algo do tema, axúdanos a resolver o misterio.

Escaneado tirado de ModestoWeb.